رحلة سياحية سريعة - فيتنام
يوليو 2012
يوليو 2012
في حركة جريئة وبناء على نصيحة صديق لى قررت أطلع انا ومراتى اجازة 10 أيام فى فيتنام، وكانت مغامرة سريعة ولكن تستحق فعلا المغامرة لاكتشاف هذا الجزء من العالم.
أيضا فى فصل الصيف لم نجد خيارات مناسبة كثيرة فى جنوب شرق آسيا نظرا لازدياد الرطوبة والامطار الموسمية ولكنى اكتشفت أن مدينة ناتشانج على عكس ذلك.
أيضا فى فصل الصيف لم نجد خيارات مناسبة كثيرة فى جنوب شرق آسيا نظرا لازدياد الرطوبة والامطار الموسمية ولكنى اكتشفت أن مدينة ناتشانج على عكس ذلك.
هذا التقرير مختصر (باللهجة المصرية) وعلى هيئة صور متفرقة لمشاهد مختلفة، كل صورة تحتها التعليق الخاص بها لتعطي لك فكرة عن بعض اللقطات فى البلد.
بدأت رحلتنا في مدينة ho chi minh
هوتشمن (أو سايجون)
وهى تعتبر عاصمة الإقليم الجنوبي لفيتنام
من داخل التاكسي (عداد وبطاقة ائتمان وتكييف وكله تمام) بس مش بيتكلموا انجليزى خالص، لازم يكون معاك العنوان مكتوب بالفيتنامى
شارع صغير، لاحظ الكابلات فى الأعلى، دى كابلات شركات الاتصالات هناك
وكل الكابلات فوق الأرض وليس تحتها
لاحظنا أن الفيسبوك كان عليه حظر فى معظم الاماكن التى بها انترنت
وكل الكابلات فوق الأرض وليس تحتها
لاحظنا أن الفيسبوك كان عليه حظر فى معظم الاماكن التى بها انترنت
كل الناس بتركب الموتوسيكلات على اختلاف مستواهم الاجتماعى / المادى / سواء فيه مطر او فى نص الليل. تقريبا كل عربية فى الشارع حواليها 20 موتوسيكل
دي ساحة باركنج فى الشارع- كل شخص عنده على الاقل موتوسيكل واحد (تبدأ اسعارهم من1,500 دولار)
محل زى هارديز كده بيبع هامبورجر ولكن العيش معمول من الرز المعجن وبشكل العيش... جبته ولكن لم استطيع ان اكل إلا نصفه
واحنا فى الشارع قابلنا بائع جوز الهند وحاول اقناعنا بالشراء بشتى الطرق.. واخرها كان هو أن يجعلني اجرب ان احمل بضاعته، الحمل كانت تقيل جدا والعارضة الخشبية كانت ناشفة جدا وليس بها اى سفنج او جلد، واحدة فيتنامية ماشية فى الشارع شافت الموقف فوقفت تمثل أنها تريد الشراء منى :) لتكمل التمثيلية... لم استطع ان احملها اكثر من نصف دقيقة.
واحنا رايحين لمول تجاري لقينا الكاتدرائية/ الكنسية (هوا إيه الفرق صحيح؟)دى فى طريقنا .. ضخمة جدا
احنا قررنا انها كاتدرائية وهذه هى الواجهة بتاعتها
عريس وعروسة بياخدو صورة تذكارية جوار الكاتدرائية مع مصور محترف - اتبسطوا اوى لما صورناهم احنا كمان
عريس وعروسة بياخدو صورة تذكارية جوار الكاتدرائية مع مصور محترف - الشورت القصير للبات هناك هو الزى اليومى المعتاد ولا يقصد به اى اثارة
من داخل الكاتدرائية
ثم انتقلنا إلى مدينة أخرى وهى nha trang ناتشانج الساحلية بالقطار
حجزنا التذاكر عبر الإنترنت قبلها باسبوعين ووصلتنا التذاكر إلى الفندق قبل وصولنا.
حجزنا فى عربة نوم بالقطار تسع ل4 افراد، وكان نضيف ومستواه مقبول جدا
بها سريرين بدورين، والحمد لله كان معنا سيدتين فيتناميتين نمن طول الرحلة.
الجو فى هوتشمين كان ممطر قليلا ورطب ولكنه كان ممتاز فى ناتشانج
أمام محطة القطار فى هوتشمين
مشهد من القطار للمزارع فى الجنوب (شكلها كده رز لانهم بياكلوا رز بكميات رهيبة)
وصلنا مدينة "ناتشنج" بالليل متاخر ومش عارفين لسه الاماكن لقينا المطعم ده جنب الفندق ... شكله من نضيف خالص ومش مشجع بالذات ان مكتوب على اليافطة ان بيقدم لحوم برية/متوحشة بس مكانش فيه بديل فتوكلنا على الله
مكنتش طبعا عارف اسماء معظم الحاجات المكتوبة فى القائمة ، كان فيه "قنفذ" وضفادع" و"وعل" فاخترت cat fish جالى الطاجن ده... مراتى قرفت من شكله، بس طعمه طلع حلو جدا وطازه وبيدوب ومتبل باتقان... كان سمك طعمه حلو حلو جداااااااا
واحنا ماشيين من المطعم كان الجرسون بيجهز الترابيزة دى بتاعت الصلاة بتاعتهم، كل موظف كان بيروح على الترابيزة بالتتابع يصلى فى دقيقتين ويرجع يكمل شغله (غالبا الصلاة دى بتاعت الساعة 12 بالليل عندهم)
غرفة الفندق (الحمام الزجاجى شبه شفاف) الليلة ب45 دولار فقط - 3 نجوم
Prime Hotel
المنظر من أعلى الفندق - شاطئ مدينة "ناتشانج" من أجمل الشواطئ فعلا
فى هذه المدينة لاحظنا أن معظم السائحين أوروبيين أو غربيين بشكل عام وقليل جدا اسيويين
فى هذه المدينة لاحظنا أن معظم السائحين أوروبيين أو غربيين بشكل عام وقليل جدا اسيويين
ذهبنا إلى زيارة معبد بوذي اسمه Long Son Pagoda - واختارنا توقيت الصلاة بتاعهم لنشاهد الكهنة وهم يؤديون الصلاة
لاحظ علامة النازية فى منتصف الصورة
لاحظ علامة النازية فى منتصف الصورة
طريقة الصلاة بتاعهم فيها شوية من حركات صلاتنا
Long Son Pagoda
الناس بتصلى داخل المعبد
Long Son Pagoda
دى منصة الصلاة الرئيسية
معبد Long Son Pagoda
بعد صعود 100 سلمة فوق المعبد... هنا يرقد تمثال كبير لبوذا
Long Son Pagoda
حتة فنية كده لعم بوذا Long Son Pagoda
أعلى المعبد Long Son Pagoda
الجبال من أعلى المعبد Long Son Pagoda
مشهد من خارج المعبد ، يوجد مبنى عليه علامة النازي مش فاهم ليه؟
اثناء ذهابنا إلى معبد أثرى اسمه Po Ngar Cham Towers
يظهر فى وسط الجبل الأخضر
يظهر فى وسط الجبل الأخضر
المنظر من أسفل Po Ngar Cham Towers
معبد بوذى كبير مصنوع من صخور حمراء اللون - ومنحوته بدقة عالية جدا - Po Ngar Cham Towers
معبد (او مقبرة) بوذى كبير مصنوع من صخور حمراء اللون - ومنحوت بدقة عالية جدا - Po Ngar Cham Towers
داخل المعبد الست بتصلى Po Ngar Cham Towers
يظهر ان عندهم برضه وزارة أوقاف بتنصب على الناس وتلم النذور
Po Ngar Cham Towers
Po Ngar Cham Towers
الموز موجود اساسى فى أى مساحة مخصصة للعبادة - كنت عايز اخد صوبع بس خفت يعتقلونى Po Ngar Cham Towers
تذكارات تباع فى بازار - شكلها كده تماثيل الآلهة - Po Ngar Cham Towers
تعرفنا على سائحة فرنسية جاية لصاحبها الفيتنامى الذى يسكن بالشمال وجت على المطار الجنوبى وبتاخد الاتوبيس فى طريقها للشمال بتعدى على المدن واحدة واحدة تعمل فيها سياحة بالمرة - Po Ngar Cham Towers
غرفة عرض جوار المعبد Po Ngar Cham Towers
الطيور عاملة بيبي على الإله بتاعهم :)
Po Ngar Cham Towers
المنظر من أعلى جبل المعبد
بيت داخل المياه - كنا تعبانين من المشي كان نفسنا ندخل بس خفنا يكون منزل شخصي
مياه - مراكب - اكواخ - فنادق -جبل (ناتشانج)
اثناء مشينا فى حتة شعبية (خاصة بالفيتنامين) وجدت هذا الحلاق اثناء قيلولته
الشارع التجاري مليء بالتذكارات
مطعم مشهور بين المحليين - يقدم السمك والفراخ الني فقط متبل وغير مستوى - وبيحضرلك الفحم على الترابيزة بتاعتك وانت تشوى وتاكل اول بأول - كانت وجبة حلوة جدا ورخيصة لان المطعم ده مش بتاع سياح
رحت تلاجة البيبس لقيت ميرندا بطعم "سارسي" معرفش إيه ده - جبتها طلعت حلوة جدا بس مش عارف بطعم إيه.. بشوية بحث عرفت انه مشروب محلى عندهم قريب شوية من الربسوس والعرقسوس ومن الـ Root beer (مش بيره).... وادمنته طول الرحلة من كل المطاعم والبقالات
دى وسيلة مواصلات منتشرة جدا وغير أدمية بالنسبة للسائق، لانه بيبدل بيك طول الرحلة وهوا قاعد وراك وساعات بيقعد فيها اتنين
مبنى خاص بوزارة الثقافة
فعالية ثقافية تحكى عن التراث الفيتنامى كانت تعرض فى الشارع
دخلنا مطعم شيك إلى حد ما وطلبنا العشا المتين - ده طبق السلاطة ... كانت حلوة جدا على الرغم من اننا ما نعرفش نص مكوناتها
وقرب نهاية العشا... لمحت شئ بيجرى على الارض ناحية الركن. ودقيقة ولقيت حاجة تانية ثم تالتة .. واكتشفت انها فيران او عرسة... ماقلتش لمراتى علشان تكمل اكلها، وبعدين قلتلها فالجرسونات شافونا قلقانين .. فابتسموا وودونا لمائدة أخرى أعلى قليلا من اللى مافيهاش فيران,,, وهما بالنسبة لهم ده عادى جدا.. تقريبا زى عندنا لما بتطلب تقعد فى الnon-smoking area .
حجزنا لعمل رحلة بحرية (نصف يوم) للجزر المختلفة فى "البحر الصينى الجنوبى" وبالمرة نعمل غطس على خفيف كده Scuba Diving بمساعدة الغطاس
المناظر للجزر أثناء الرحلة البحرية
الضفدع البشري ذو الكرش بيستعد للغوص فى المحيط على عمق يصل إلى 6 متر.
لعبت مع السمك تحت وشفت الشعب المرجانية (مش حلوة زى اللى شفتها فى التليفزيون بتاعت البحر الأحمر)
عرضوا علينا نتصور واحنا تحت المية ولكن سعر الصورة كان 25 دولار تقريبا فرفضنا، وقلت اجيب اى صورة من على النت ما هو مش باين مين لابس بدلة الغطس والنظارات والفقاقيع وكده محدش هايعرف يحدد يعنى :)
المية كانت عظيمة جدا... دافية ومالحها كتير شوية فترفعك لفوق بدون اى مجهود منك + تأثير بدلة الغطس اللى بترفعك برضه.
كل ما المركب كان بيقف شوية . اروح انا ناطط ابلبط شوية واتفرج على الشعب المرجانية (مش حلوة زى اللى شفتها فى التليفزيون بتاعت البحر الأحمر)
طوال اليوم مسموح لك بالمشروبات والفاكهة مجانا - فى منتصف اليوم يوجد وجبة الغذاء مع زجاجة بيره مجانا
المنظر من أعلى المركب
أثناء رحلة العودة- عمال المركب بالخلف يغسلون الأطباق والحلل الخاصة بالغدا
أثناء رحلة العودة- المناظر للجزر أثناء الرحلة البحرية
عربية الفاكهة الطازه - اختار ما تشاء والبائع يقطعلك ويحطلك تلج عليها -- منتشرة إلى حد ما كل الشوارع، وطعم الفاكهة بجد مختلف عما تعودنا عليه من بلاستيك فى بلادنا
منطقة صخرية من الشاطئ اسمها Nui Hon Chong... الصخور متناثرة فى أشكال بديعة ولكن طبعا لا يقارن بمكان مثل عجيبة فى مطروح
الأفق من على الصخور
Nui Hon Chong
فيلا خطيرة وسط الزرع والصخر
Nui Hon Chong
بنتين بيتصوروا بشكل شبه احترافى فى اوضاع فنية - غالبا محررين فى مجلة سفر وسياحة او ما شابه
Nui Hon Chong
وحدى فوق صخرة أحزانى :)
آه لو لعبت يا صخر
Nui Hon Chong
عريس وعروسة بياخدو صورة تذكارية عند الصخور مع مصور محترف علشان يعرضوها اثناء حفل الزفاف (نفس الدماغ سبحان الله) - اتبسطوا اوى لما صورناهم احنا كمان
Nui Hon Chong
واحنا ماشيين فى الشارع لقينا اصوات غريبة قصيرة من فوق راسنا مش فاهمين جاية من منين - تلفتنا مكانش فيه حد حوالينا خالص - بعد خطوة اصوات اخرى ومراتى شافت شابين كل واحد طالع على شجرة صغيرة من دول وبيقطفوا ثمار او حاجة وكانوا بيعاكسونا
معبد بوذى فى وسط المياه - لم نستطع الذهاب إليه لانه بيفتح أيام السبت والاحد فقط - (عليه علامة النازي برضه؟)
مشهد للشارع - ناتشانج
مدخل للمطعم وكافيه وجدناه بالصدفة
طلبنا طبق فاكهة استوائية - وقهوة فيتنامية.
القهوة بتتشرب سخنة او مثلجة، بيجيبها متوسطة الحرارة وانت إما تحط عليها مية مغليه او ثلج..... سخنة احلى بكتير لانها اقرب لقهوة بالشيكولاته.
المنظر من تراس المطعم
ده منطاد سياحى- تقطع تذكره يطلع بيك تشوف المدينة كلها من فوق لمدة 10 دقائق
بنتوين لقيناهم فى الكافيه
من عادتهم يلبسوا الكمامة دى (مش فاهم علشان التراب ولا العادم ولا الأمراض) وساعات بيلبسوها للاطفال كمان
نحن فى طريقنا لتمضية اليوم فى منتجع سياحى 5 نجوم اسمه Vinpearl Amusement Park هو فى جزيرة منفصلة قريبة- تروح بالمركب او بالتليفريك - اختارنا التليفزيك - التكلفة 24 دولار للفرد لليوم كامل (غير شاملة الأكل)
www.vinpearlland.com
المنظر من داخل التليفريك للجزر
المنظر من داخل التليفريك للفندق الخاص بالمنتجع
الماتادور الاسبانى.. ركبت الطور ده وبدأ يلف بسرعة حول نفسه وفى نص الدور .. دوخت من كتر اللف - فطلبت من الموظفة ان توقفه، وبعدها نزلت فورا من عليه - ومن الدوخة قعدت الف حوالين نفسى ووقعت على الارض :) Vinpearl Amusement Park
مدينة ملاهى كبيرة مجانا Vinpearl Amusement Park
وألعاب مائية أيضا
وألعاب مائية أيضا
المناظر من على جبل المنتجع Vinpearl Amusement Park
مدخل للمسرح الخاص بعروض عرائس البحر
Vinpearl Amusement Park
Vinpearl Amusement Park
دخلنا جنينة الأسماك .. عبارة عن دورين بتمشى على سير متحرك ببطئ داخل نفق زجاجى وتتفرج على السمك حواليك وفوقيك من كل نوع، مش عارف ازاى الانواع دى كلها مش بتاكل بعض - كان شئ مبهر وافتكرنا حديقة الاسماك عندنا ودعينا على مبارك وشلته - Vinpearl Amusement Park
سمك القرش Vinpearl Amusement Park
السلحفاة وسمك القرش واسماك اخرى Vinpearl Amusement Park
المنظر من الجزيرة إلى الأرض الأم - Vinpearl Amusement Park
من داخل المنتجع - Vinpearl Amusement Park
شلال داخل الـ Vinpearl Amusement Park
المسار ده اسمه Alpine coaster عبارة عن عربية حديدية بيركب فيها اتنين وبتمشى على قضبان حديد بتطلع بيك أعلى الجبل ثم تسقط بقوة الجاذبية وتلف فوق وسط الأشجار وتدخل انفاق ... حلوة جدا ومخيفة فى السرعات العالية
المنظر للمدينة الأم.. Vinpearl Amusement Park
6 شباب على موتوسيكلات بيدخلوا كلهم داخل كرة حديد ويقدم عرض مبهر وخطييييييييير Vinpearl Amusement Park
المنظر من المطعم بعد الغروب Vinpearl Amusement Park
أثناء رحلة العودة فى التليفريك Vinpearl Amusement Park
الابراص منتشرة وتعامل معاملة النمل بالنسبة لنا، وموجودة على أى يافطة مضيئة (شفتها فى كل يافطة مطعم اكلنا فيه) لاحظ الصور فى الاعلى
بعد العشاء وجدنا كافيه مظلم جدا جوار المطعم فيه فرقة ومغنية... قعدنا استمعنا لكثير من جواهر الفن الفيتنامى :) - طبعا استمتعنا بالموسيقى بس - كل الناس فى الكافيه كانت بتشرب بيره واحنا طلبنا 2 ايس كريم
الديكور فى سقف الكافيه (نابع من ثقافة البحر)
المنظر من أعلى الفندق ليلاً - شاطئ مدينة "ناتشانج" من أجمل الشواطئ اللى شفتها فى حياتى (الليلة ب45 دولار فقط - 3 نجوم)
مطعم سي فوود فى الشارع مسائى فقط- كل يوم بيقام ويتهد.. اكله طازه جدا ومش رخيص.. أثناء عودتنا من المطعم بعد الساعة 11 تقريبا وجدنا اثنين شباب ومعهم موتوسيكل ينتظرون بالقرب من شارع جانبي فسألوني إن كنت احتاج ماريجوانا!! فسألته عن السعر وكان 50 دولار ، فأشرت له أن زوجتى معي الان سأذهب بها الى الفندق واعود لك :)
فى أخر يوم بعدما تركنا الفندق كان لدينا عدة ساعات قبل موعد الطائرة- ذهبنا إلى الشاطئ (المدينة كلها عبارة عن شاطي كبير) واجرنا 2 شيزلونج ب4 دولار وجلسنا باسترخاء على الشط .. اخترنا ان نجلس فى الظل على عكس الغربيين الذى يستلقون فى الشمس
هذا ما تراه عيناك وانت مستلقى على الشيزلونج
بائعة الفاكهة على الشاطئ (بدلا من الفريسكا عندنا) .. ناحية بها الفاكهة والاخرى بها الثلج وثمرات جوز الهند البارده المقشرة
جاءت واشترينا منها موز زى العسل وغنت لنا جزء من اغنية كى تشجعنا على الشراء منها.. روحها كانت حلوة اوى
الجو دقيقة شمس ودقيقة ظل... سبحان الله (المنظر ده تقريبا الساعة 2 او 3 الظهر)
المنتجع يظهر من على الشاطئ
على الساعة 4 - 5 كده بدا يظهر بائع السى فوود يفروش على الشط ويعرض بضاعته المتميزة
ظلال النخيل على الشاطئ .. كنت فاكر النخيل منتشر فقط فى الجزيرة العربية
قرب قرب قرب ب5 دولار بس (ده السعر الحقيقى)
اثناء مكالمة موبيل عاجلة
رياضية ال water parachuting منتشرة جدا
المنتجع يظهر فى الخلفية
قبل الغروب تحول الشاطئ إلى رأس البر مع ازدياد البائعين وظهور الاسيويين لنزول البحر
واتجهنا بعدها إلى المطار
وإلى رحلة قادمة إن شاء الله
